« Mon 06 Dec - Sun 12 Dec | HomePage | Mon 27 Dec - Sun 02 Jan »
15/12/2004
Endy
網上睇到既一段消息
最新一期既Monday雜誌有一篇周國賢專訪
周國賢提到"告一段落"呢首歌曲既創作靈感
係來自佢一位女性好友既真人真事
大意如下：
周這位女性好友A是一名女同志，以前愛上過一位同性朋友B。但可惜在家人的壓力和反對下，雙方無奈地被迫要分開。A亦唯有選擇遠赴外國開始其新生活。
若干年後，A回流香港，並且重遇深愛過的B。他們愛火重燃，決定不再理會世俗的眼光，要長相斯守下去，永不分離。
不幸的是，B這時候發現患上絕症，命不久矣。雖然不願接受這事實，但A還是要看著深愛的人離她而去．．．．．
告一段落
曲：周國賢 | 詞：周國賢 | 編：周國賢
不理這世界多罕有 反正只愛伴你夢遊
再碰上運氣都不及你
做夢每天跟你 種下長期盛放的薔薇
無數夜晚共你欣賞天氣
* 無奈告一段落 短促的幻覺
從某月某日再不奢望會有結果
繼續愛下去可有趣 伴侶漸覺累
怎麼愛下去也剩低一片焦土
存著什麼 問題為何會越多
失去預計怎料我其你在一夜之間分割
沒有昨天的知覺 承認我已經不懂開口
直到吻下去 才發現已放手
回味每一秒 浮現那天雨中糾纏
等不到結局最後某夜各自甦醒
過後遺不再無人到過的家 痕跡被滅去
留下像褪色多天的心痛眼淚 長久(從此)裝飾下去 *
不怕灰暗伴你逗留 跟你走到異國盡頭
怕欠缺力氣捉不住你
日落縱使不美 卻像藏著獨有的奧秘
才會讓我共你 不捨不棄
22:36 Permalink | Comments (0) | Email this
Colleague
一直以黎
雖然我只係做左野半年多d
但我一直都信一樣野
就係office係唔會有朋友
頂多係同事
唔知咁樣係咪俾到好大壓力人地
亦俾到d壓力自己呢
今晚我又同我既producer去左食飯
晚飯中途
佢講左一d佢既私人事俾我知
當然, 我有一d野, 我亦曾經講過俾佢知
或者面對感情方面既野
就算你係其他人面前幾強
都有想同人傾訴既一刻
唔知呢d算唔算係交心
定只係工作既一部份
食完飯同佢去左一間樓上cafe
揭下雜誌吹下水
最後
話題都返返去工作之上
終於我都知道作為一個producer應有既責任
原來由節目內容到marketing到casting
全部都關自己事
都好
又有一個新既challenge
希望應付得到
22:24 Permalink | Comments (0) | Email this
14/12/2004
Nasal allergy
鼻敏感左足足14個鐘
原本沖左一個好熱好熱既熱水涼
鼻塞通左
但係出門返工上巴士既時候
又慢慢感受到鼻水由鼻腔深處流到鼻孔外
距離有6至7秒時間
好多時都會感受到身體入面既物質流動
食得好飽既時候, 會感受到肚入面有食物翻來覆去
食得好急, 會feel到有氣泡係下腹流動
一大早飲凍水, 會feel到果一肢冰凍由喉嚨慢慢向下移動
有時會感覺到貼近表皮既血管一下一下跳動
或者微微抽搐
意識往往都控制唔到呢d細微既body movement
我既身體入面
究竟發生緊乜野事呢?
不斷解構落去, 我都只不過係一堆好有連繫既粒子
anyway,
鼻敏感左14個鐘
眼同鼻都紅晒
甚至有少少疼痛
鼻腔入面
究竟有d乜野, 一直令我打乞嚏
一直流鼻水
鼻水不斷流
甚至令我感到有d口乾
凌晨3:30
終於踏入家門
媽媽係檯上面留左佢親手整, 我好鍾意食既滷水雞翼
乞嚏!
00:08 Permalink | Comments (0) | Email this
13/12/2004
Real artist
今日睇住鄧萃雯影studio硬照
閃光燈不斷閃閃閃閃閃
每一個姿勢都唔一樣
可以冷
可以熱
睇到一個明星
睇到閃光燈下攝影師同模特兒之間既火花
睇到一種吸力
目不轉睛
22:20 Permalink | Comments (0) | Email this